Лондан. Фота Unplash
22 ліпеня, Мінск /Кар. БЕЛТА/. Чатыры сотні расійскіх дыпламатаў, якіх выслалі з краін Еўропы пасля пачатку спецаперацыі ва Украіне, арыенціровачна складаюць палову ўсіх разведчыкаў Расіі, што працуюць пад дыппрыкрыццём. Аб гэтым піша ТАСС са спасылкай на заяву кіраўніка брытанскай службы знешняй разведкі МІ-6 Рычарда Мура.
Кіраўнік ведамства лічыць, што высылка расійскіх дыпламатаў удвая скараціла магчымасць разведчыкаў гэтай краіны весці шпіёнскую дзейнасць у Еўропе. Такое меркаванне Мур выказаў на штогадовым форуме па бяспецы Аспенскага інстытута ў амерыканскім штаце Каларада.
Газета The Guardian піша, што МІ-6 упершыню апублікавала сваю ацэнку вынікаў высылкі дыпламатаў пасля 24 лютага, калі пачалася расійская спецаперацыя ва Украіне.-0-
