ДЗЯРЖОРГАНЫДЗЯРЖОРГАНЫ
Флаг Пятніца, 7 мая 2021
Мінск Суцэльная воблачнасць +12°C
Усе навіны
Усе навіны
У свеце
18 сакавіка 2021, 09:03

Кіраўнік Еўракамісіі заявіла аб пагаршэнні сітуацыі з COVID-19 у ЕС

Фота з архіва
Фота з архіва

18 сакавіка, Мінск /Кар. БЕЛТА/. Сітуацыя з распаўсюджваннем COVID-19 у Еўрасаюзе зноў пагаршаецца, краіны супольніцтва павінны нарасціць тэмпы вакцынацыі, заявіла кіраўнік Еўракамісіі Урсула фон дэр Ляен на прэс-канферэнцыі ў Бруселі, паведамляе ТАСС.

"Калі мы паглядзім на эпідэмічную сітуацыю ў ЕС, то яна пагаршаецца. Мы бачым з'яўленне новых штамаў. Мы бачым фарміраванне трэцяй хвалі ў краінах супольніцтва. І мы ведаем, што мы павінны нарасціць тэмпы вакцынацыі, якая пачалася крыху павольна", - заявіла Урсула фон дэр Ляен.

Кіраўнік ЕК падкрэсліла, што краіны Еўрасаюза прадаўжаюць недаатрымліваць вакцыны па заключаных у мінулым годзе кантрактах з заходнімі распрацоўшчыкамі. У першым квартале ЕС разлічвае атрымаць каля 100 млн доз вакцын замест запланаваных 166 млн. Зрэшты, Урсула фон дэр Ляен выказала ўпэўненасць, што сітуацыя выправіцца ў другім квартале: ЕК у гэты перыяд чакае атрымаць 360 млн доз вакцын, якіх павінна быць дастаткова для вакцынацыі крыху больш як 200 млн чалавек.

Паводле слоў Урсулы фон дэр Ляен, Еўракамісія па-ранейшаму прытрымліваецца сваёй мэты забяспечыць вакцынацыю 70 працэнтаў дарослага насельніцтва ЕС да канца верасня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі