28 ліпеня, Мінск /Кар. БЕЛТА/. Санкцыі супраць Расіі не аказваюць вырашальнага ўплыву на развіццё падзей ва Украіне, усё вырашаецца на полі бою. Такім меркаваннем у праекце "У тэме" на YouTube-канале БЕЛТА падзяліўся ваенны эксперт, палітычны аналітык Якаў Кедмі.
"Я нікому не раіў бы рабіць тую памылку, якую робяць на Захадзе. Яны лічылі, што стварэнне з дапамогай санкцый эканамічных цяжкасцей прывядзе Расію да змянення яе палітыкі. Разам з тым не трэба думаць, што эканамічныя цяжкасці на Захадзе прывядуць іх да змянення палітыкі ў адносінах да Расіі. Палітыка зменіцца, калі будуць іншыя вынікі на полі бою, а не з-за эканамічных цяжкасцей", - лічыць Якаў Кедмі.
Ён дадаў, што структуры, якія правакуюць і праводзяць антырасійскую палітыку, ставяць за мэту зламаць Расію. "Усё, што датычыцца заходняй эканомікі, іх менш за ўсё цікавіць. Для іх гэта, што называецца, вытворчыя выдаткі. Зломім Расію - усё акупіцца. Таму не трэба станавіцца падобным да іх і рабіць тую ж самую памылку. Іх эканамічныя цяжкасці не памяняюць іх палітыку ў адносінах да Расіі. Гэтак жа, як іх санкцыі не памянялі палітыку Расіі ў адносінах да Захаду", - сказаў Якаў Кедмі.-0-
