29 сакавіка, Мінск /Кар. БЕЛТА/. Выратавальныя каманды знялі з мелі кантэйнеравоз Ever Given, які засеў у Суэцкім канале. Аб гэтым паведамляе Bloomberg.
Як паведамлялася, кантэйнеравоз водазмяшчэннем 220 тыс. т і даўжынёй 400 м належыць японскай кампаніі Shohei Kisen і ходзіць пад панамскім сцягам. 23 сакавіка судна перагарадзіла аднамагістральную паўднёвую частку Суэцкага канала з-за моцнага ветру і пясчанай буры, змяніўшы курс і ўпёршыся носам і кармой у процілеглыя берагі рэчышча.
Інфармацыі аб тым, калі адновіцца рух па Суэцкім канале, пакуль няма.-0-