26 лютага, Мінск /Кар. БЕЛТА/. Заканадаўцы ЗША не змаглі ў выхадныя дасягнуць двухпартыйных пагадненняў адносна законапраекта аб прадаўжэнні фінансавання работы федэральнага ўрада, што дае магчымасць пазбегнуць прыпынення яго работы (шатдаўну) у пачатку сакавіка. Гэта вынікае з пісьма лідара дэмакратычнай большасці ў Сенаце Чака Шумера (ад штата Нью-Ёрк), распаўсюджанага напярэдадні, паведамляе ТАСС.
"Калі мы вернемся да работы на гэтым тыдні, перад намі зноў узнікне прывід шкоднага і непатрэбнага шатдаўну, выкліканага крайне правым крылом Рэспубліканскай партыі", - напісаў Чак Шумер.
Ён адзначыў, што магчымы шатдаўн пагражае эканоміцы і бяспецы краіны і можа "нанесці невыказны боль амерыканскаму народу".
Спікер Палаты прадстаўнікоў рэспубліканец Майк Джонсан (ад штата Луізіяна) у сваю чаргу заявіў, што ніжняя палата Кангрэса прадаўжае працаваць, каб дасягнуць пагаднення з Сенатам па кампрамісным законапраекце аб фінансаванні ўрада да надыходу ўстаноўленых тэрмінаў. Паводле яго слоў, дэмакраты ў Сенаце ў апошні момант сталі настойваць на больш "левых" прыярытэтах для фінансавання, чым раней, што ўскладніла дасягненне пагаднення. Джонсан падкрэсліў, што многія пытанні, якія да гэтага часу падлягаюць абмеркаванню, зыходзяць менавіта з новых патрабаванняў дэмакратаў.
19 студзеня прэзідэнт ЗША Джо Байдэн падпісаў зацверджаны абедзвюма палатамі Кангрэса законапраект аб прадаўжэнні фінансавання адных структур федэральнага ўрада краіны да 1 сакавіка, а другіх - да 8 сакавіка. Пры гэтым у ім не ўпаміналася дапамога Украіне і Ізраілю.-0-
"Калі мы вернемся да работы на гэтым тыдні, перад намі зноў узнікне прывід шкоднага і непатрэбнага шатдаўну, выкліканага крайне правым крылом Рэспубліканскай партыі", - напісаў Чак Шумер.
Ён адзначыў, што магчымы шатдаўн пагражае эканоміцы і бяспецы краіны і можа "нанесці невыказны боль амерыканскаму народу".
Спікер Палаты прадстаўнікоў рэспубліканец Майк Джонсан (ад штата Луізіяна) у сваю чаргу заявіў, што ніжняя палата Кангрэса прадаўжае працаваць, каб дасягнуць пагаднення з Сенатам па кампрамісным законапраекце аб фінансаванні ўрада да надыходу ўстаноўленых тэрмінаў. Паводле яго слоў, дэмакраты ў Сенаце ў апошні момант сталі настойваць на больш "левых" прыярытэтах для фінансавання, чым раней, што ўскладніла дасягненне пагаднення. Джонсан падкрэсліў, што многія пытанні, якія да гэтага часу падлягаюць абмеркаванню, зыходзяць менавіта з новых патрабаванняў дэмакратаў.
19 студзеня прэзідэнт ЗША Джо Байдэн падпісаў зацверджаны абедзвюма палатамі Кангрэса законапраект аб прадаўжэнні фінансавання адных структур федэральнага ўрада краіны да 1 сакавіка, а другіх - да 8 сакавіка. Пры гэтым у ім не ўпаміналася дапамога Украіне і Ізраілю.-0-
