26 жніўня, Мінск /Кар. БЕЛТА/. Гукі ўзрыву чуваць каля аэрапорта Кабула. Аб гэтым паведамляе ТАСС са спасылкай на тэлеканал Shamshad TV.
Пра ахвяры або разбурэнні інфармацыі не паступала. Іншыя падрабязнасці здарэння пакуль не прыводзяцца.
Узрыў прагрымеў сёння побач з аэрапортам у сталіцы Афганістана, ваенныя ЗША пакуль не ведаюць, ці ёсць пацярпелыя, паведаміў у Twitter прэс-сакратар Пентагона Джон Кірбі.
"Мы можам пацвердзіць узрыў побач з аэрапортам Кабула. Пакуль няма яснасці адносна пацярпелых. Мы прадставім дадатковыя даныя, калі зможам", - адзначыў Джон Кірбі.
Паводле інфармацыі тэлеканала "Скай ньюс - Арабія", смяротнік падарваў узрыўное ўстройства каля паўночнага ўвахода аэрапорта Кабула.-0-
