20 чэрвеня, Мінск /Кар. БЕЛТА/. Кааліцыя прэзідэнта Францыі Эмануэля Макрона "Разам!" перамагла ў другім туры выбараў у французскі парламент, набраўшы 38,57 працэнта галасоў пасля апрацоўкі 100 працэнтаў бюлетэняў, аднак яна не атрымлівае пераважную большасць месцаў у парламенце, паведамляе РІА Навіны са спасылкай на МУС краіны.
Левая кааліцыя "Новы народны экалагічны і сацыяльны саюз" (Nupes), якую ўзначальвае Жан-Люк Меланшон, атрымала 31,6 працэнта. Трэцяе месца па колькасці галасоў заняла партыя Марын Ле Пен "Нацыянальнае аб'яднанне" (17,3 працэнта). Партыя "Рэспубліканцы" атрымала 6,98 працэнта.
Пры гэтым кааліцыя Макрона не змагла атрымаць пераважную большасць месцаў у французскім Нацыянальным сходзе. Паводле інфармацыі МУС, яна атрымлівае 245 месцаў, Nupes - 131. "Нацыянальнае аб'яднанне" і "Рэспубліканцы" атрымліваюць 89 і 61 месца адпаведна.
Па выніках парламенцкіх выбараў тэрмінам на пяць гадоў будуць выбраны 577 дэпутатаў ніжняй палаты парламента.-0-
