5 жніўня, Мінск /Кар. БЕЛТА/. Урад Японіі мае намер у наступным годзе сфарміраваць першае касмічнае падраздзяленне ў складзе нацыянальных сіл самаабароны. Аб гэтым паведамляе газета Yomiuri.
У штат падраздзялення набяруць амаль 70 спецыялістаў. Штаб-кватэра падраздзялення будзе знаходзіцца на ваеннай базе ў горадзе Фуцю (прэфектура Токіа). Новая структура будзе назіраць за касмічнай прасторай для процідзеяння магчымым атакам з боку спадарожнікаў іншых краін. Другая задача падраздзялення - прадухіленне сутыкненняў японскіх апаратаў з касмічным смеццем. Пакуль урад Японіі спецыяльна для гэтага распрацоўвае сістэму маніторынгу з прыцягненнем наземных радараў і тэлескопаў. Плануецца, што яе пачнуць выкарыстоўваць праз чатыры гады.
Першапачаткова Японія разлічвала стварыць новае падраздзяленне ў 2022 годзе, але перанесла тэрмін на больш ранні перыяд. Такое рашэнне абумоўлена тым, што ЗША ў наступным годзе таксама вырашылі сфарміраваць свае касмічныя сілы. Мяркуецца супрацоўніцтва паміж абедзвюма структурамі.-0-
