12 мая, Мінск /Кар. БЕЛТА/. Усе падарожнікі, якія прыбываюць у Іспанію, незалежна ад таго, з'яляюцца яны замежнымі турыстамі або грамадзянамі краіны, з 15 мая з-за пандэміі каранавіруса павінны прайсці каранцін. Аб гэтым гаворыцца ва ўказе Міністэрства аховы здароўя Іспаніі, апублікаваным 12 мая ў афіцыйным урадавым весніку, паведамляе іспанская газета El Espanol.
У дакуменце адзначаецца, што людзі, якія прыбылі ў краіну, павінны 14 дзён знаходзіцца дома або ў іншым месцы пражывання. Выходзіць на вуліцу можна будзе толькі па прадукты, лякарствы і прадметы першай неабходнасці, для наведвання медыцынскіх устаноў або ў экстранных выпадках. Пры гэтым абавязкова насіць маску.
Паводле даных на 12 мая, у краіне зафіксавана больш за 227 тыс. выпадкаў захворвання на каранавірусную інфекцыю, амаль 27 тыс. чалавек памерлі.-0-