14 ліпеня, Мінск /Кар. БЕЛТА/. Украінскі лідар Уладзімір Зяленскі пайшоў на здзелку з Варшавай: пагадзіўся даць грамадзянам Польшчы спецстатус ва Украіне ў абмен на ўвод Варшавай войскаў на захад краіны. Такую інфармацыю агучыў былы дыпламат Расціслаў Ішчанка, перадае РІА Навіны.
Ішчанка адзначыў, што ўзамен на асаблівы статус палякаў прэзідэнт Украіны хоча бачыць не менш як 20 тыс. ваенных Варшавы ў Заходняй Украіне. Паводле яго слоў, украінскаму лідару гэта трэба, каб перакінуць амаль 30 тыс. наяўных у заходніх абласцях рэгулярных украінскіх войскаў і 20-30 тыс. тэрытарыяльнай абароны на ўсходні фронт.
Экс-дыпламат таксама дадаў, што Варшава хутчэй за ўсё не абмяжуецца цяперашнімі ўмовамі ўводу сваіх войскаў ва Украіну, пастараўшыся акупіраваць як мага большую частку краіны.
На некалькі дзён раней прэзідэнт Польшчы Анджэй Дуда заяўляў, што прэзідэнт Украіны ўнёс у Вярхоўную раду законапраект аб асаблівым статусе грамадзян Польшчы ва Украіне.
Дырэктар Службы знешняй разведкі Расіі Сяргей Нарышкін адзначаў, што Польшча пачала вывучэнне сцэнарыяў дэ-факта раздзялення Украіны. Паводле яго слоў, там упэўнены, што ЗША і Вялікабрытаніі давядзецца падтрымаць план падзелу Украіны.-0-
