Сцяг Пятніца, 29 сакавіка 2024
Усе навіны
Усе навіны
У свеце
20 сакавіка 2019, 11:31

Іран зарэгістраваў уласны канал фінансавых разлікаў для работы з INSTEX

20 сакавіка, Вашынгтон /БЕЛТА - ІРНА/. Іран зарэгістраваў уласны канал фінансавых разлікаў для работы з еўрапейскім механізмам INSTEX.

Іранская структура атрымала назву "Спецыяльны гандлёва-фінансавы інстытут" (Special Trade and Finance Institute). Яна створана і зарэгістравана пры ўдзеле Цэнтрабанка, фінансавых ведамстваў Ірана, а таксама дзяржаўных і прыватных банкаў пасля перагавораў з экспертамі і тэхнічнымі спецыялістамі з Вялікабрытаніі, Францыі і Германіі. Гэты механізм будзе працаваць непасрэдна з INSTEX і прадаставіць дзелавым колам і ўрадам канал для ажыццяўлення плацяжоў у абход антыіранскіх санкцый ЗША.

8 мая 2018 года прэзідэнт ЗША Дональд Трамп аб'явіў аб выхадзе Вашынгтона з Сумеснага ўсёабдымнага плана дзеянняў - здзелкі, якая была заключана ў 2015 годзе і абмяжоўвала ядзерныя распрацоўкі Тэгерана ў абмен на адмену санкцый Савета Бяспекі ААН і аднабаковых абмежавальных мер ЗША і ЕС.

Пасля выхаду ЗША са здзелкі іранская эканоміка сутыкнулася з сур'ёзнымі праблемамі ў банкаўскай сферы. Пад націскам Вашынгтона Тэгеран быў адключаны ад сістэмы SWIFT, што значна ўскладніла фінансавыя ўзаемаадносіны іранскага бізнесу з замежнымі партнёрамі.

У адказ на гэты крок 31 студзеня 2019 года Берлін, Лондан і Парыж аб'явілі аб стварэнні спецыяльнага механізма разлікаў з Іранам, які дае магчымасць падтрымліваць гандаль з краінай у абход санкцый ЗША. Для гэтага ў Францыі з удзелам Вялікабрытаніі і Германіі была зарэгістравана праектная кампанія пад назвай INSTEX (Instrument in Support of Trade Exchanges - "Інструмент для падтрымкі гандлёвых абменаў").-0-

Падпісвайцеся на нас у
Twitter
Топ-навіны
Свежыя навіны Беларусі