8 лютага, Мінск /Кар. БЕЛТА/. У Інданезіі ў сувязі з уздымам захваральнасці на каранавірус, выкліканы амікрон-штамам, улады ўзмацнілі абмежаванні ў сталіцы, на самым густанаселеным востраве Ява і курортным востраве Балі, паведамляе ТАСС са спасылкай на газету The Straits Times.
Згодна з новымі правіламі, у гандлёвых цэнтрах, рэстаранах і кафэ могуць размясціцца не больш за 60 працэнтаў максімальнай колькасці наведвальнікаў. У забаўляльных установах і таго менш - не больш за 35 працэнтаў. У мячэцях і цэрквах дапускаецца знаходжанне не больш за палову ад дапушчальнай колькасці прыхаджан. Адзначаецца, што абмежаванні могуць быць аператыўна аслаблены, каб не наносіць урон эканоміцы.
У Інданезіі сутачны прырост інфіцыраваных каранавірусам набліжаецца да 40 тыс. Яшчэ месяц таму ў краіне за дзень выяўлялі 100-200 хворых.-0-
