26 кастрычніка, Мінск /Кар. БЕЛТА/. Губернатар амерыканскага штата Нью-Ёрк Кэці Хокул увяла рэжым надзвычайнай сітуацыі ў сувязі з прагназуемымі ліўвнямі і магчымымі падтапленнямі, паведамляе ТАСС са спасылкай на сайт губернатара.
"Я загадзя ўводжу рэжым надзвычайнай сітуацыі, каб быць упэўненай у тым, што ў нас дастаткова рэсурсаў для рэагавання на стыхію і абароны людзей і маёмасці ў раёнах, дзе прагназуюцца значныя ападкі", - адзначаецца ў заяве. Рэжым надзвычайнай сітуацыі распаўсюджваецца на некалькі акруг Нью-Ёрка, а таксама на сам горад.
Раней Нацыянальная метэаралагічная служба ЗША паведаміла, што ў Нью-Ёрку і суседніх з ім штатах Нью-Джэрсі і Канектыкут чакаюцца моцныя ліўні, месцамі не выключаны падтапленні. Чакаецца, што да вечара 26 кастрычніка ў некаторых раёнах выпадзе да 100 мм ападкаў, скорасць парываў ветру будзе дасягаць 17 м/с.-0-