ДЗЯРЖОРГАНЫДЗЯРЖОРГАНЫ
Серада, 21 красавіка 2021
Мінск Пераменная воблачнасць +9°C
Усе навіны
Усе навіны
У свеце
09 лютага 2021, 14:41

Гіпотэза аб лабараторным паходжанні каранавіруса вельмі малаверагодная - СААЗ

Фота  AP Photo
Фота AP Photo

9 лютага, Мінск /Кар. БЕЛТА/. Гіпотэза аб з'яўленні каранавіруса, што выклікаў пандэмію, у выніку лабараторнага інцыдэнту з'яўляецца "вельмі малаверагоднай". Аб гэтым сёння на спецыяльным брыфінгу па выніках работы місіі Сусветнай арганізацыі аховы здароўя (СААЗ) ва Ухані заявіў кіраўнік гэтай групы, эксперт СААЗ па заанозных інфекцыях (якія перадаюцца чалавеку ад жывёл) і харчовай бяспецы Пітэр Бен Эмбарэк, паведамляе ТАСС.

"Вынікі нашых даследаванняў указваюць на тое, што гіпотэза аб лабараторным інцыдэнце з'яўляецца вельмі малаверагоднай, каб растлумачыць з'яўленне віруса сярод людзей. Такім чынам, гэта гіпотэза не будзе выкарыстоўвацца ў нашай далейшай рабоце над вывучэннем таго, адкуль паходзіць вірус", - сказаў Пітэр Бен Эмбарэк.

Перадача ад жывёлы да чалавека праз прамежкавае звяно з'яўляецца найбольш верагоднай гіпотэзай паходжання каранавіруса, лічаць у СААЗ.

Эксперты СААЗ прыбылі ва Ухань для вывучэння паходжання каранавіруса новага тыпу 14 студзеня. Падчас візіту эксперты СААЗ наведалі ўханьскі рынак морапрадуктаў "Хуанань", дзе ўпершыню была зафіксавана ўспышка каранавіруса ў снежні 2019 года, шэраг інфекцыйных бальніц горада, а таксама Уханьскі інстытут вірусалогіі.

Раней у СААЗ не раз заяўлялі, што пошукі крыніцы першага заражэння каранавірусам трэба пачынаць з кітайскага горада Ухань. Летам мінулага года КНР наведалі два эксперты з мэтай падрыхтоўкі асноўнай місіі. Вынікам гэтай паездкі стала выпрацоўка спецыялістамі арганізацыі і Кітая дакумента "Аб даследаваннях і праграме дзейнасці міжнароднай групы пад кіраўніцтвам СААЗ".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі