14 лютага, Мінск /Кар. БЕЛТА/. Германія плануе ў наступным месяцы паставіць Украіне яшчэ дзве сістэмы проціпаветранай абароны IRIS-T. Аб гэтым заявіў кіраўнік Мінабароны Германіі Барыс Пісторыус пасля прыбыцця на сустрэчу міністраў абароны краін НАТА, паведамляе ТАСС.
"Згодна з маімі данымі, гэта адбудзецца на працягу наступнага месяца", - сказаў Пісторыус, удакладніўшы, што ўсё будзе залежаць таксама ад магчымасцей абароннай прамысловасці краіны.
Раней нямецкія ўлады паабяцалі Украіне перадаць чатыры сістэмы IRIS-T. Адзначаецца, што адна з іх пастаўлена ўжо восенню 2022 года.-0-
