Антоніу Гутэрыш. Фота ААН
9 кастрычніка, Мінск /Кар. БЕЛТА/. Генеральны сакратар ААН Антоніу Гутэрыш выказаў глыбокую занепакоенасць планамі Кнесета (парламента Ізраіля) вынесці на галасаванне законапраект, які забараняе дзейнасць Блізкаўсходняга агенцтва ААН для дапамогі палесцінскім бежанцам і арганізацыі работ (БАДАР) на тэрыторыі краіны. Аб гэтым паведамляецца на сайце Цэнтра навін ААН.
Паводле слоў Гутэрыша, адпаведнае пасланне ён накіраваў адразу прэм'еру Ізраіля Біньяміну Нетаньяху. Генеральны сакратар ААН папярэдзіў, што прыняцце законапраекта падарве намаганні "па аблягчэнні чалавечых пакут і зніжэнні напружанасці ў Газе і на ўсёй акупіраванай палесцінскай тэрыторыі". "Гэта стане яшчэ адной катастрофай ва ўмовах абсалютнай катастрофы, якая ўжо адбываецца цяпер", - адзначыў кіраўнік ААН.
Ён дадаў, што гэта мера нанясе страшны ўдар па міжнародным гуманітарным рэагаванні ў сектары Газа. "Гэта фактычна пакладзе канец каардынацыі па абароне аўтакалон, офісаў і прыстанішчаў ААН, якія абслугоўваюць сотні тысяч людзей. Без БАДАР дастаўка прадуктаў харчавання большай частцы насельніцтва Газы, а таксама аказанне гэтым людзям дапамогі з жыллём і доступам да медыцынскага абслугоўвання будуць прыпынены", - сказаў генеральны сакратар.
Гутэрыш нагадаў, што ў выпадку прыняцця гэты законапраект будзе дыяметральна разыходзіцца са Статутам ААН і парушаць абавязацельствы Ізраіля па міжнародным праве.
Паводле даных СМІ, раней парламент Ізраіля аб'явіў аб планах вынесці на галасаванне законапраект, які забараняе дзейнасць БАДАР на тэрыторыі яўрэйскай дзяржавы. Дакумент прадпісвае закрыць усе ўстановы агенцтва на тэрыторыі Ізраіля і забараняе любое супрацоўніцтва з ім, уключаючы выдачу віз яго супрацоўнікам.-0-
Паводле слоў Гутэрыша, адпаведнае пасланне ён накіраваў адразу прэм'еру Ізраіля Біньяміну Нетаньяху. Генеральны сакратар ААН папярэдзіў, што прыняцце законапраекта падарве намаганні "па аблягчэнні чалавечых пакут і зніжэнні напружанасці ў Газе і на ўсёй акупіраванай палесцінскай тэрыторыі". "Гэта стане яшчэ адной катастрофай ва ўмовах абсалютнай катастрофы, якая ўжо адбываецца цяпер", - адзначыў кіраўнік ААН.
Ён дадаў, што гэта мера нанясе страшны ўдар па міжнародным гуманітарным рэагаванні ў сектары Газа. "Гэта фактычна пакладзе канец каардынацыі па абароне аўтакалон, офісаў і прыстанішчаў ААН, якія абслугоўваюць сотні тысяч людзей. Без БАДАР дастаўка прадуктаў харчавання большай частцы насельніцтва Газы, а таксама аказанне гэтым людзям дапамогі з жыллём і доступам да медыцынскага абслугоўвання будуць прыпынены", - сказаў генеральны сакратар.
Гутэрыш нагадаў, што ў выпадку прыняцця гэты законапраект будзе дыяметральна разыходзіцца са Статутам ААН і парушаць абавязацельствы Ізраіля па міжнародным праве.
Паводле даных СМІ, раней парламент Ізраіля аб'явіў аб планах вынесці на галасаванне законапраект, які забараняе дзейнасць БАДАР на тэрыторыі яўрэйскай дзяржавы. Дакумент прадпісвае закрыць усе ўстановы агенцтва на тэрыторыі Ізраіля і забараняе любое супрацоўніцтва з ім, уключаючы выдачу віз яго супрацоўнікам.-0-
Падпісвайцеся на нас у
