18 кастрычніка, Мінск /Кар. БЕЛТА/. Генеральны сакратар Арганізацыі Аб'яднаных Нацый Антоніу Гутэрыш лічыць, што нераўнамернае размеркаванне вакцын ад каранавіруса ў свеце прыводзіць да з'яўлення яго новых штамаў. Аб гэтым генеральны сакратар ААН напісаў у сваім Twitter, паведамляе ТАСС.
"Няроўнасць у размеркаванні вакцын дае магчымасць развівацца і разрастацца новым варыянтам COVID-19, асуджаючы свет на яшчэ большыя ахвяры і працягваючы эканамічны спад", - лічыць Антоніу Гутэрыш. Паводле яго слоў, "без скаардынаванага і роўнага падыходу не будзе ўстойлівага скарачэння колькасці выпадкаў інфіцыравання ні ў адной краіне".-0-