ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
У свеце
21 ліпеня 2022, 10:46

Газаправод "Паўночны паток" аднавіў пастаўкі ў Германію

Фота з архіва ТАСС
Фота з архіва ТАСС

21 ліпеня, Мінск /Кар. БЕЛТА/. Расійскі газ пасля дзесяцідзённага перапынку зноў пачаў паступаць у Германію па трубаправодзе "Паўночны паток", паведамляе ТАСС са спасылкай на даныя газатранспартных кампаній-аператараў.

Падача газу аднавілася раніцай 21 ліпеня. Разам з тым у кампаніі Nord Stream AG паведамілі, што ў гэты момант аб'ёмы газу, які паступае, зніжаны на трэць ад максімальных паказчыкаў. Адзначаецца, што газаправод зможа пачаць працаваць на поўную моц праз некаторы час.

"Паўночны паток" быў закрыты на прафілактычныя работы з 11 ліпеня. Шэраг еўрапейскіх краін апасаўся, што газаправод, які сёння з'яўляецца асноўным маршрутам паставак расійскага газу, можа не аднавіць работу.

20 ліпеня еўракамісар Цьеры Брэтон заявіў, што еўрапейскія краіны пачалі рыхтавацца да таго, каб упершыню правесці зімовы ацяпляльны перыяд без расійскага газу. Ён таксама рэкамендаваў краінам ЕС прадоўжыць эксплуатацыю дзеючых на іх тэрыторыі вугальных станцый і АЭС. У той жа час Брусель прадставіў план эканоміі газу, згодна з якім еўрапейцам давядзецца знізіць спажыванне блакітнага паліва на 15 працэнтаў. Аднак такая ініцыятыва была падтрымана не ўсімі. Так, Іспанія выступіла з рэзкай крытыкай такіх абмежаванняў.

Праблему энергетычнага крызісу ў Еўропе пракаменціраваў напярэдадні і прадстаўнік Дзярждэпа ЗША Нед Прайс. Ён, у прыватнасці, прызнаў газаправод "Паўночны паток" фактарам бяспекі для еўрапейскіх дзяржаў. Паводле яго слоў, у бліжэйшы час расійскі газ будзе неабходны еўрапейцам. У сувязі з гэтым ЗША спадзяюцца, што пастаўкі па газаправодзе адновяцца.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі