ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
У свеце
08 снежня 2022, 16:08

Францыя падтрымлівае ўступленне Харватыі, Балгарыі і Румыніі ў Шэнгенскую зону

Фота Pixabay
Фота Pixabay

8 снежня, Мінск /Кар. БЕЛТА/. Кіраўнік Міністэрства ўнутраных спраў Францыі Жэральд Дарманен заявіў, што краіна выступае за ўступленне Балгарыі, Румыніі і Харватыі ў Шэнгенскую зону. Аб гэтым паведамляюць РІА Навіны.

Паводле яго слоў, тры краіны прыклалі шмат намаганняў для таго, каб гэта стала магчымым, у тым ліку па кантролі над сваімі граніцамі. Заява прагучала перад пачаткам пасяджэння Савета кіраўнікоў МУС Еўрасаюза ў Бруселі.

Кіраўнік французскага МУС выказаў меркаванне, што ўступленне Балгарыі, Румыніі і Харватыі ў Шэнгенскую зону дапаможа знізіць паток мігрантаў з Балкан у іншыя краіны Еўропы.

Балгарыя і Румынія далучыліся да Еўрасаюза ў 2007 годзе і з таго часу чакаюць уступлення ў Шэнгенскую зону. Краіны настойваюць, што яны ўжо адпавядалі неабходным крытэрыям шмат гадоў таму. Канчатковае зялёнае святло павінен даць Савет Еўрапейскага саюза, у які ўваходзяць міністры 27 краін ЕС. Зацвярджэнне новага члена Шэнгенскай зоны павінна быць пацверджана аднагалосна. Гэта азначае, што адно "не" можа замарозіць увесь працэс.

Шэнгенская зона была створана ў люксембургскім гарадку Шэнген у 1985 годзе, калі пагранічны кантроль быў адменены на ўнутраных граніцах паміж некалькімі дзяржавамі. Цяпер у Шэнгенскую прастору ўваходзяць 26 краін, у тым ліку 22 краіны Еўрасаюза. Далучэнне да Шэнгенскай зоны патрабуе, сярод іншага, прытрымлівання агульных правіл, належнага кантролю над знешнімі граніцамі, абмену інфармацыяй аб бяспецы і эфектыўнага супрацоўніцтва паліцыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі