4 мая, Мінск /Кар. БЕЛТА/. Санкцыі Еўрасаюза могуць быць уведзены супраць кіраўніка РПЦ патрыярха Кірыла. Аб гэтым паведамляюць РІА Навіны са спасылкай на французскае інфармагенцтва Agence France-Presse.
Паводле даных агенцтва, ініцыятарам увядзення санкцый супраць патрыярха з'яўляецца Еўракамісія. Згодна з афіцыйным дакументам, які апынуўся ў распараджэнні агенцтва, абмежаванні супраць кіраўніка РПЦ могуць быць уключаны ў новы пакет антырасійскіх санкцый.
Раней паведамлялася, што новы пакет абмежаванняў плануецца абнародаваць на працягу сённяшняга дня.-0-
