19 жніўня, Мінск /Кар. БЕЛТА/. У Еўрапарламенце заявілі, што амаль 18 млн чалавек у Афганістане маюць патрэбу ў тэрміновай гуманітарнай дапамозе, паведамляе ТАСС.
Кіраўнік камітэта Еўрапарламента па развіцці Томас Тобэ, выступаючы на экстранных сумесных слуханнях з камітэтам па замежных справах, заявіў, што ў выніку засух, пандэміі COVID-19 і баявых дзеянняў у Афганістане амаль палова насельніцтва гэтай краіны - 18 млн чалавек - маюць патрэбу ў тэрміновай гуманітарнай дапамозе, амаль 4 млн чалавек сталі ўнутранымі бежанцамі.-0-