14 ліпеня, Мінск /Кар. БЕЛТА/. Еўрапейская камісія прадставіла новы прагноз росту цэн у краінах супольніцтва на 2022 і 2023 гады. Згодна са справаздачай ЕК, прагноз па інфляцыі значна пагоршыўся, паведамляе РІА Навіны.
Яшчэ вясной ЕК чакала, што ў бягучым годзе сярэдні паказчык інфляцыі складзе 6,8 працэнта, у 2023 годзе - 3,2 працэнта. Сённяшні прагноз сведчыць аб тым, што сітуацыя ў эканоміцы краін супольніцтва пагаршаецца. Так, у 2022 годзе інфляцыя прагназуецца на ўзроўні 8,3 працэнта, у 2023 годзе - 4,6 працэнта.
Для параўнання, у мінулым годзе ў ЕС інфляцыя склала 2,9 працэнта.-0-
