8 кастрычніка, Мінск /Кар. БЕЛТА/. Эстонія за тыдзень паднялася з трэцяй на другую пазіцыю сярод краін Еўрапейскага саюза і Еўрапейскай эканамічнай прасторы па колькасці выпадкаў заражэння каранавірусам за 14 дзён з разліку на 100 тыс. жыхароў, паведамляе грамадская тэлерадыёкампанія ERR.
Згодна з абноўленымі 7 кастрычніка данымі Еўрапейскага цэнтра па кантролі і прадухіленні інфекцыйных захворванняў, кумулятыўная захваральнасць у Эстоніі на канец мінулага тыдня складала 659 выпадкаў, павялічыўшыся на 130 у параўнанні з папярэднім тыднем.
Вышэйшы гэты паказчык сярод краін Еўрасаюза быў толькі ў Літве - 796 выпадкаў.
У Фінляндыі кумулятыўная захваральнасць складала 106 выпадкаў, Швецыі - 83, а ў Латвіі - 581. У Фінляндыі паказчык за тыдзень не змяніўся, у Швецыі скараціўся, а ў Латвіі - рэзка павялічыўся.
Сярод буйнейшых краін Еўрасаюза самы нізкі кумулятыўны паказчык у Іспаніі - 63 выпадкі на 100 тыс. жыхароў.-0-