26 жніўня, Мінск /Кар. БЕЛТА/. Польшча і Латвія павінны дапамагчы мігрантам, якія цяпер утрымліваюцца на граніцы. Адпаведнае рашэнне апублікаваў Еўрапейскі суд па правах чалавека (ЕСПЧ), паведамляе ТАСС.
"ЕСПЧ вырашыў задаволіць запатрабаванне на забеспячальную меру ў рамках скаргаў, якія датычацца сітуацыі на граніцах Польшчы і Латвіі з Беларуссю. Мера будзе дзейнічаць тры тыдні, да 15 верасня", - гаворыцца ў паведамленні суда. Латвія і Польшча павінны забяспечыць мігрантаў ежай, вадой, адзеннем, аказаць медыцынскую дапамогу і па магчымасці даць часовае жыллё.
Заяўнікі - 32 афганцы і 41 іракскі курд - у сваіх скаргах сцвярджаюць, што першапачаткова планавалі трапіць у Польшчу і Латвію, каб атрымаць міжнародную абарону, аднак ім у гэтым было адмоўлена.
Раней Упраўленне Вярхоўнага камісара ААН па справах бежанцаў (УВКБ ААН) заклікала Польшчу дапусціць на сваю тэрыторыю мігрантаў, якія цяпер утрымліваюцца на граніцы. Ва УВКБ таксама падкрэслілі, што ўсе дзяржавы маюць права кіраваць сваімі граніцамі ў адпаведнасці з міжнародным правам, але пры ўмове захавання правоў чалавека, уключаючы права на прыстанішча.-0-
