15 лютага, Мінск /Кар. БЕЛТА/. Камітэт пастаянных прадстаўнікоў ЕС зацвердзіў рашэнне аб фарміраванні спецыяльнай групы, якая зоймецца разглядам магчымасці перадачы Кіеву заблакіраваных актываў РФ. Аб гэтым паведамляе ТАСС са спасылкай на старшынства Швецыі ў Савеце Еўрасаюза.
У паведамленні прадстаўніцтва гаворыцца, што заблакіраваныя сродкі РФ плануецца выкарыстаць для аднаўлення Украіны пасля канфлікту.
Раней кіраўнік шведскага ўрада Ульф Крыстэрсан заявіў аб планах ЕС сфарміраваць рабочую групу, якая вывучыць, якія менавіта актывы РФ цяпер знаходзяцца на тэрыторыі ЕС. Таксама група разгледзіць юрыдычныя аспекты канфіскацыі расійскіх сродкаў.-0-
