Сцяг Серада, 24 красавіка 2024
Усе навіны
Усе навіны
У свеце
06 кастрычніка 2022, 13:25

ЕС зацвердзіў новы пакет санкцый супраць Расіі, уключаючы паталок цэн на нафту

6 кастрычніка, Мінск /Кар. БЕЛТА/. ЕС зацвердзіў сёння чарговы, восьмы, пакет санкцый супраць Расіі. Аб гэтым паведамляе ТАСС са спасылкай на інфармацыю Еўракамісіі.

Вядома, што ў пакет уключана рашэнне аб увядзенні паталка цэн на расійскую нафту. У прыватнасці, санкцыі прадугледжваюць забарону на транспарціроўку па моры нафты з Расіі па цане вышэйшай за ўстаноўлены ліміт.

Згодна з санкцыямі, пад забаронай будзе экспарт у РФ вугалю, электронных кампанентаў для зброі, тэхнічных вырабаў для авіяцыі і хімічных рэчываў. Акрамя таго, ЕС забараніў імпарт тавараў з РФ на 7 млрд еўра.

Еўрасаюз таксама ўвёў забарону грамадзянам краін супольніцтва займаць кіруючыя пасады ў органах дзяржаўных прадпрыемстваў Расіі.

ЕС забараніў прадастаўленне РФ фінпаслуг, кансультацый у сферы інфармацыйных тэхналогій і іншых бізнес-паслуг, а таксама забараніў расіянам мець крыптаактывы ў краінах супольніцтва.

Таксама ў Еўракамісіі заявілі, што будуць прымяняць спецыяльныя санкцыі супраць асоб, якія будуць садзейнічаць абходу абмежавальных мер супраць Расіі.-0-

Падпісвайцеся на нас у
Twitter
Топ-навіны
Свежыя навіны Беларусі