11 красавіка, Мінск /Кар. БЕЛТА/. Паветраная прастора Расійскай Федэрацыі і Украіны застанецца закрытай для рэйсаў у еўрапейскія краіны да 2029 года. Такое меркаванне выказалі ў Еўрапейскай арганізацыі па бяспецы паветранай навігацыі (Еўракантроль), паведамляе ТАСС.
На сайце Еўракантролю гаворыцца, што арганізацыя мяркуе, што "паветраная прастора Украіны і Расіі застанецца закрытай да канца гарызонта планавання (2029 год)". Адзначаецца, што колькасць пералётаў праз Паўночную Еўропу з боку Азіі зменшылася, паколькі давялося "перанакіроўваць маршруты праз паўднёва-ўсходнія краіны".
Акрамя таго, адзначаецца, што галіна авіяперавозак прадаўжае аднаўленне пасля пандэміі COVID-19.
Пасля пачатку СВА многія заходнія краіны закрылі сваю паветраную прастору для расійскіх самалётаў. Масква ў адказ прыняла люстраныя меры і забараніла палёты над сваёй тэрыторыяй авіякампаніям з 36 краін, у тым ліку ЕС і Канады.-0-
