Сцяг Чацвер, 18 красавіка 2024
Усе навіны
Усе навіны
У свеце
01 сакавіка 2023, 15:13

Эрдаган: выбары прэзідэнта і парламента пройдуць у Турцыі 14 мая

1 сакавіка, Мінск /Кар. БЕЛТА/. Турэцкі лідар Рэджэп Таіп Эрдаган заявіў у ходзе выступлення на пасяджэнні парламенцкай фракцыі кіруючай Партыі справядлівасці і развіцця ў Анкары, што прэзідэнцкія і парламенцкія выбары ў Турцыі пройдуць 14 мая. Аб гэтым паведамляе ТАСС.

"14 мая наша нацыя зробіць тое, што патрабуецца, - аддасць галасы на выбарах", - сказаў прэзідэнт Турцыі.

Раней адзначалася, што выбары могуць быць перанесены на іншы тэрмін з-за разбуральных землетрасенняў, якія адбыліся ў краіне ў лютым.

Таксама ў час выступлення прэзідэнт Турцыі адзначыў, што пасля падземных штуршкоў 6 лютага ў Турцыі было зафіксавана звыш 11 400 афтэршокаў, паведамляе Агенцтва Анадолу. Прыродная катастрофа аказала прамое ўздзеянне на 14 млн турэцкіх грамадзян. Сітуацыю пагоршылі таксама ўмовы надвор'я. У пошукава-выратавальных аперацыях прынялі ўдзел 35 тыс. спецыялістаў з Турцыі і іншых краін, а ў цэлым у работах у зоне бедства былі задзейнічаны 271 тыс. чалавек.

Акрамя таго, Эрдаган паведаміў, што амаль 2,5 млн жыхароў пацярпелых правінцый атрымліваюць трохразовае гарачае харчаванне. Паводле яго слоў, у бліжэйшы час пачнецца маштабнае аднаўленне раёнаў. У цэлым плануецца ўзвядзенне больш як 468 тыс. дамоў, будаўніцтва 21 тыс. дамоў стартуе ўжо ў бліжэйшыя дні.

Турэцкі лідар анансаваў стварэнне фонду аднаўлення ад наступстваў стыхійных бедстваў. Акрамя таго, урад краіны мае намер распрацаваць мадэль рэагавання на бедствы "Нацыянальны шчыт Турцыі ад рызык". У дадатак да гэтага ўлады Турцыі прадоўжаць прымаць меры па стымуляванні эканомікі рэгіёнаў, пацярпелых ад бедства.-0-

Падпісвайцеся на нас у
Twitter
Топ-навіны
Свежыя навіны Беларусі