Энергасістэмы Еўропы не спраўляюцца з нагрузкай з-за анамальнай спёкі

16 ліпеня, Мінск /Кар. БЕЛТА/. Небывалая гарачыня ўсталявалася ў шэрагу рэгіёнаў Еўропы, у некаторых дзяржавах слупок тэрмометра падняўся да адзнакі 40 градусаў па Цэльсію. Энергасістэмы Еўропы не спраўляюцца з нагрузкай. Аб гэтым піша Euronews.

Экстранныя службы Румыніі перагружаны вялікай колькасцю выклікаў з-за моцнай спёкі, якая прыйшла ў шэраг рэгіёнаў краіны. Улады аб'явілі чырвоны ўзровень небяспекі ў сувязі з надвор'ем. Тэмпература ў некаторых раёнах дасягае 40 градусаў па Цэльсію ў цені. Скорасць руху паяздоў і аўтамабіляў на трасах абмежавана. Анамальная спёка таксама стварае нагрузку на энергасістэму. Вытворчасць не паспявае за спажываннем, таму перабоі ў падачы электраэнергіі ў Румыніі адбываюцца ўсё часцей.

Церпяць ад страшэннай гарачыні і жыхары Украіны. З-за аварыйных адключэнняў электрычнасці кандыцыянеры не працуюць, адзначае Euronews.

Акрамя таго, прадаўжаюць бушаваць лясныя пажары ў паўднёвай і цэнтральнай частках Паўночнай Македоніі. Самы вялікі - у горных раёнах абшчыны Негацін. У тушэнніі задзейнічана авіяцыя. Улады звярнуліся па дапамогу да суседніх краін - Славеніі, Турцыі, Сербіі і Чарнагорыі.-0-