23 мая, Мінск /Кар. БЕЛТА/. Амаль 40 працэнтаў брытанцаў да кастрычніка апынуцца ў так званай паліўнай беднасці. Аб гэтым паведаміў адзін з буйнейшых пастаўшчыкоў энергіі ў Вялікабрытаніі E.ON, паведамляе BBC.
Кіраўнік E.ON Майкл Льюіс заявіў, што рост цэн на энерганосьбіты з'яўляецца беспрэцэдэнтным і ўсё большая колькасць іх кліентаў мае запазычанасць. Паводле яго слоў, усё больш людзей трацяць на энергію больш за 10 працэнтаў наяўных даходаў, іх колькасць прадаўжае расці і ўжо дасягнула 20 працэнтаў. Льюіс расказаў, што дзякуючы спецыяльнай праграме прагназавання яны даведаліся, што калі прадоўжыцца рост цэн на энерганосьбіты, то амаль 40 працэнтаў брытанцаў да кастрычніка апынуцца ў цяжкім становішчы і без дапамогі дзяржавы ім не справіцца.
Як піша ТАСС, 1 красавіка 2022 года на фоне росту кошту газу сярэдні памер рахунку для брытанскай дамашняй гаспадаркі, які выкарыстоўвае электрычнасць і газ, вырас на 54 працэнты - з 1277 да 1971 фунтаў стэрлінгаў у год ($1600 і $2460 адпаведна). У кастрычніку гэты паказчык можа дасягнуць адзнакі 2750-3000 фунтаў стэрлінгаў ($3430 -$3750). Цэны на паліва таксама прадаўжаюць расці і ўжо дасягнулі свайго максімуму.
Адзначаецца, што пасля павышэння цэн на газ і электраэнергію ў красавіку ўзровень інфляцыі ў Вялікабрытаніі дасягнуў 40-гадовага максімуму 9 працэнтаў. Згодна з ацэнкай Банка Англіі, да канца года ўзровень інфляцыі ў Злучаным Каралеўстве перавысіць 10 працэнтаў.-0-
