Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Экіпаж "Саюза" прызямліўся пасля аварыі, касманаўты жывыя - кіраўнік Раскосмаса

У свеце 11.10.2018 | 16:18
Фота ЕРА
Фота ЕРА

11 кастрычніка, Мінск /Кар. БЕЛТА/. Экіпаж пілатуемага карабля "Саюз МС-10" прызямліўся пасля аварыі ракеты "Саюз-ФГ", касманаўты жывыя. Як паведамляе ТАСС, гэту інфармацыю пацвердзіў кіраўнік дзяржкарпарацыі "Раскосмас" Дзмітрый Рагозін.

"Экіпаж прызямліўся. Усе жывыя", - напісаў Рагозін у Twitter. Для высвятлення прычын аварыі "Саюза" створана дзяржкамісія, яна пачала работу, заявіў таксама Дзмітрый Рагозін.

Як расказаў кіраўнік прэс-службы дзяржкарпарацыі "Раскосмас" Уладзімір Усціменка, Дзмітрый Рагозін адправіўся на месца прызямлення касмічнага карабля "Саюз МС-10".

Паводле інфармацыі NASA, экіпаж "Саюза" прызямліўся за 20 км на ўсход ад горада Жэзказгана (Казахстан). Касманаўты Аляксей Аўчынін і Нік Хейг пасля прызямлення адчуваюць сябе добра, ратавальнікі з імі на сувязі. Выратавальныя каманды і верталёты ўжо вылецелі ў раёны мяркуемага прызямлення.

Прэзідэнт Расіі Уладзімір Пуцін атрымае поўны даклад аб аварыі ў час пілатуемага запуску да Міжнароднай касмічнай станцыі з Байканура, заявіў прэс-сакратар кіраўніка дзяржавы Дзмітрый Пяскоў. "Зразумела, прэзідэнту будзе даложаны ўвесь неабходны аб'ём інфармацыі", - сказаў ён. "Дзякуй богу, касманаўты жывыя, паводле інфармацыі, якую мы атрымліваем, і гэта галоўнае", - дадаў Дзмітрый Пяскоў.

Раней паведамлялася, што аварыя ракеты "Саюз" адбылася сёння ў час запуску з касмадрома Байканур у Казахстане. На борце "Саюза МС-10" знаходзіліся члены місіі МКС-57/58 расійскі касманаўт Аляксей Аўчынін і амерыканскі астранаўт Нік Хейг.

Ракета-носьбіт "Саюз-ФГ" з караблём "Саюз МС-10" стартавала 11 кастрычніка ў 11.40 з першай пляцоўкі касмадрома Байканур ("Гагарынскі старт"). Аўтаномны палёт "Саюза" павінен быў прайсці па шасцігадзіннай схеме. Стыкоўка "Саюза" з арбітальнай станцыяй планавалася 11 кастрычніка ў 17.44 па мінскім часе. Касманаўты павінны былі правесці на арбіце 187 сутак.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.