23 верасня, Мінск /Кар. БЕЛТА/. Эйфелева вежа аднавіла сваю работу пасля двухгадзіннага закрыцця з-за ананімнага паведамлення аб пагрозе выбуху, перадае радыёстанцыя France Bleu.
Раней супрацоўнікі і наведвальнікі Эйфелевай вежы былі эвакуіраваны пасля званка невядомага, які пагражаў узарваць славутасць. Званок паступіў 23 верасня прыкладна ў 12.15 па мясцовым часе, пасля чаго вакол вежы было выстаўлена ачапленне.
Вартавыя парадку правялі праверкі, аднак ніякіх небяспечных прадметаў знойдзена не было.-0-
