12 мая, Мінск /Кар. БЕЛТА/. Прэс-сакратар прэзідэнта Расіі Дзмітрый Пяскоў пацвердзіў, што заразіўся каранавірусам. Аб гэтым паведамляе ТАСС.
"Так, я захварэў, - сказаў ён у адказ на пытанне, ці сапраўды ў яго выяўлены каранавірус. - Лячуся".
Раней аб падазрэнні на каранавірус у прэс-сакратара прэзідэнта РФ паведаміў Telegram-канал "Незыгар".
Каранавірус раней быў выяўлены ў прэм'ер-міністра Расіі Міхаіла Мішусціна, кіраўніка Мінбуда РФ Уладзіміра Якушава і міністра культуры РФ Вольгі Любімавай. Міхаіл Мішусцін з 30 красавіка знаходзіцца пад наглядам урачоў у адной з медустаноў, урачы адзначаюць дадатную дынаміку яго стану.
Расія 12 мая ўзнялася на другое месца ў свеце па колькасці пацверджаных выпадкаў COVID-19. У РФ выяўлена 232 243 заражаныя каранавірусам новага тыпу. Больш за ўсё пацверджаных выпадкаў COVID-19 у ЗША - больш за 1,38 млн.-0-