ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
У свеце
03 кастрычніка 2022, 15:45

Дзярждума ратыфікавала дагаворы аб прыняцці ДНР, ЛНР, Запарожскай і Херсонскай абласцей у склад РФ

Фота ТАСС
Фота ТАСС

3 кастрычніка, Мінск /Кар. БЕЛТА/. Дзяржаўная дума сёння аднагалосна ратыфікавала дагаворы аб прыняцці ДНР, ЛНР, Запарожскай і Херсонскай абласцей у склад Расійскай Федэрацыі. Аб гэтым інфармуе ТАСС.

У міжнародных дагаворах удакладняецца, што пасля прыняцця гэтых суб'ектаў у склад Расіі будуць утвораны дзве рэспублікі і дзве вобласці, пры гэтым іх цяперашнія назвы будуць захаваны. У дакументах таксама падкрэсліваецца, што межы рэспублік і абласцей будуць вызначацца граніцамі тэрыторый, што існавалі на дзень іх утварэння і прыняцця ў РФ. Акрамя таго, граніцы, спалучаныя з тэрыторыяй замежнай дзяржавы, будуць лічыцца дзяржаўнай граніцай Расіі.

30 верасня ў Крамлі адбылася цырымонія падпісання дагавораў аб далучэнні да Расійскай Федэрацыі Данецкай і Луганскай народных рэспублік, а таксама Запарожскай і Херсонскай абласцей. 2 кастрычніка прэзідэнт Расіі Уладзімір Пуцін унёс у Дзяржаўную думу праекты федэральных канстытуцыйных законаў аб прыняцці чатырох суб'ектаў у склад РФ, а таксама міжнародныя дагаворы на ратыфікацыю.

З 23 па 27 верасня ў ДНР, ЛНР, Запарожскай і Херсонскай абласцях прайшлі рэферэндумы аб уваходжанні ў склад Расіі. Гэта рашэнне, згодна з вынікамі галасавання, падтрымалі 87,05 працэнта жыхароў Херсонскай вобласці, 93,11 працэнта ўдзельнікаў галасавання ў Запарожскай вобласці. У ДНР за ўваходжанне ў склад РФ выказаліся 99,23 працэнта жыхароў, у ЛНР - 98,42 працэнта. Улады ўсіх чатырох тэрыторый адразу пасля правядзення рэферэндумаў звярнуліся ў Расіі з просьбай аб уключэнні іх у склад краіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі