27 красавіка, Мінск /Кар. БЕЛТА/. Федэральны ўрад Германіі адобрыў павышэнне дзяржаўнага доўгу краіны на 39,2 млрд еўра з-за ўплыву падзей ва Украіне, паведамляе ТАСС са спасылкай на нямецкае агенцтва DPA.
Такім чынам, дзярждоўг Германіі ў гэтым годзе складзе 138,9 млрд еўра. Адзначаецца, што дадатковыя сродкі будуць накіраваны на падтрымку нямецкага бізнесу і насельніцтва краіны ва ўмовах эканамічнага крызісу. Акрамя таго, частку сродкаў плануецца накіраваць на прыём і ўтрыманне бежанцаў.-0-