Мабільная версія
ДЗЯРЖОРГАНЫ

Апошнія навіны
Усе навіны

Борыс Джонсан заклікаў заключыць з Іранам новую ядзерную здзелку

У свеце 24.09.2019 | 09:00
Борыс Джонсан. Фота Sky News
Борыс Джонсан. Фота Sky News

24 верасня, Мінск /Кар. БЕЛТА/. Прэм'ер-міністр Вялікабрытаніі Борыс Джонсан лічыць, што з Тэгеранам пара заключыць новую ядзерную здзелку, якая прыйдзе на змену Сумеснаму ўсёабдымнаму плану дзеянняў (СУПД). Такое меркаванне кіраўнік брытанскага кабінета міністраў, які прыбыў у панядзелак у Нью-Ёрк для ўдзелу ў рабоце Генеральнай асамблеі ААН, выказаў у інтэрв'ю тэлеканалу Sky News, паведамляе ТАСС.

"Якія б ні былі вашы пярэчанні супраць старой здзелкі з Іранам, цяпер настаў час рухацца далей і заключыць новую здзелку, - сказаў ён. - Разам з нашымі еўрапейскімі і амерыканскімі сябрамі мы будзем працаваць над пашырэннем гэтага пункту гледжання". Паводле слоў Джонсана, Вялікабрытанія цяпер спрабуе дабіцца згоды паміж членамі міжнароднай супольнасці і знізіць узровень напружанасці ў адносінах з Тэгеранам.

Праблема іранскага ядзернага дасье рэзка абвастрылася пасля аднабаковага выхаду ЗША з СУПД 8 мая 2018 года і ўвядзення ў адносінах да Ірана амерыканскіх эканамічных санкцый у сферы нафтавага экспарту. Паводле версіі іранскага боку, астатнія ўдзельнікі здзелкі, перш за ўсё еўрапейцы, не ў поўнай меры прытрымліваюцца сваіх абавязацельстваў у эканамічнай частцы пагаднення, таму здзелка ў яе цяперашнім выглядзе не мае сэнсу. 8 мая 2019 года прэзідэнт Ірана Хасан Раўхані заявіў, што Тэгеран прыпыняе частку абавязацельстваў па ядзернай здзелцы.-0-

Версія для друку
Навіны рубрыкі У свеце
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.