5 жніўня, Мінск /Кар. БЕЛТА/. Дзеянні адміністрацыі прэзідэнта ЗША Джозэфа Байдэна ў барацьбе з пандэміяй COVID-19 адабраюць толькі 53 працэнты амерыканцаў, негатыўна ацэньваюць 40 працэнтаў. Аб гэтым паведамляе ТАСС са спасылкай на апублікаваныя вынікі апытання грамадскай думкі, праведзенага Квініпэкскім універсітэтам.
У маі работу адміністрацыі ЗША ў гэтай сферы адабралі 65 працэнтаў удзельнікаў аналагічнага сацыялагічнага даследавання. Негатыўнага пункту гледжання прытрымліваліся 30 працэнтаў рэспандэнтаў.
"Чаму прэзідэнт Байдэн страчвае падтрымку амерыканцаў? У сітуацыі, калі невакцынаваныя становяцца ахвярай дэльта-варыянта каранавіруса, аптымізм Белага дома, які заяўляў, што самае цяжкае - у мінулым, выглядае дачасным", - растлумачыў спецыяліст універсітэта па апытаннях грамадскай думкі Цім Мэлой.
У цэлым дзейнасць Джозэфа Байдэна адабраюць 46 працэнтаў амерыканцаў, адваротнага пункту гледжання прытрымліваюцца 43 працэнты. Эканамічную палітыку амерыканскага лідара падтрымліваюць 43 працэнты апытаных, негатыўна ацэньваюць яе 48 працэнтаў. Знешнюю палітыку прэзідэнта ЗША адабраюць 42 працэнты амерыканцаў, не адабраюць 44 працэнты.-0-
