20 мая, Мінск /Кар. БЕЛТА/. Двое дзяцей, якія пацярпелі пры стральбе ў казанскай школе, застаюцца ў цяжкім стане, заявіў міністр аховы здароўя Расіі Міхаіл Мурашка. Аб гэтым паведамляе ТАСС.
"Цяпер на лячэнні знаходзяцца яшчэ 18 дзяцей у горадзе Казані і пяцёра дзяцей у федэральных клініках. Найбольшую трывогу цяпер выклікаюць два дзіцяці, стан іх застаецца цяжкім, праводзяцца хірургічныя працэдуры", - сказаў Міхаіл Мурашка.
11 мая ў выніку страляніны ў гімназіі нумар 175 у Казані загінулі дзевяць чалавек, у тым ліку сем дзяцей. Стральбу ў школе ўчыніў 19-гадовы юнак, на яго афіцыйна зарэгістравана зброя. СК Расіі ўзбудзіў крымінальную справу па ч.2 арт.105 (забойства дзвюх і больш асоб) КК РФ.-0-
