25 красавіка, Мінск /Кар. БЕЛТА/. Два чалавекі загінулі каля станцыі метро ў Маскве ў выніку стральбы, паведамляе ТАСС са спасылкай на крыніцу ў праваахоўных органах.
"Каля ўвахода на станцыю метро "Новыя Чаромушкі" знойдзены два целы з агнястрэльнымі раненнямі. Паводле папярэдняй інфармацыі, мужчына адкрыў стральбу, застрэліўшы чалавека, пасля чаго пакончыў з сабою", - сказаў субяседнік агенцтва.
На месцы здарэння працуе следча-аператыўная група, якая ўстанаўлівае ўсе прычыны здарэння.-0-
