30 кастрычніка, Мінск /Кар. БЕЛТА/. Датэрміновыя парламенцкія выбары пройдуць у Вялікабрытаніі 12 снежня, паведамляе ВВС.
Такое рашэнне было прынята большасцю галасоў у Палаце абшчын - 428 супраць 20. Цяпер датэрміновыя парламенцкія выбары павінна адобрыць Палата лордаў.
Прэм'ер-міністр Борыс Джонсан разлічвае, што на пазачарговых выбарах яго Кансерватыўная партыя заваюе большасць месцаў у Палаце абшчын і ён зможа ўрэгуляваць складаную сітуацыю з выхадам Вялікабрытаніі з Еўрасаюза, каб краіна пакінула ЕС 31 студзеня 2020 года.
Ці будзе крызіс пераадолены і ці ўдасца яму перамагчы, прадказаць ніхто не бярэцца. Цяпер рэйтынгі Кансерватыўнай партыі вышэйшыя, аднак перадвыбарная кампанія можа змяніць расклад сіл. Акрамя таго, спецыфіка брытанскай выбарчай сістэмы не гарантуе, што папулярная партыя зможа атрымаць большасць месцаў у парламенце.-0-
