12 кастрычніка, Мінск /Кар. БЕЛТА/. У Цэнтральную выбарчую камісію Казахстана падалі дакументы 12 кандыдатаў у прэзідэнты краіны. Такую інфармацыю апублікавала агенцтва КАЗІНФАРМ.
Вылучэнне кандыдатаў на пасаду кіраўніка дзяржавы ў Казахстане прайшло з 23 верасня па 11 кастрычніка. За гэты час у ЦВК прадаставілі дакументы 12 чалавек, якіх вылучылі рэспубліканскія грамадскія аб'яднанні. У тым ліку ў выбарах плануе прыняць удзел дзеючы прэзідэнт краіны Касым-Жамарт Такаеў.
Прэзідэнцкія выбары ў Казахстане назначаны на 20 лістапада. Адзначаецца, што кандыдат павінен быць не маладзейшы за 40 гадоў, мець грамадзянства краіны па нараджэнні і пражываць у рэспубліцы апошнія 15 гадоў. Абавязкова наяўнасць вышэйшай адукацыі. Кожны з прэтэндэнтаў на пасаду кіраўніка дзяржавы павінен сабраць 118 тыс. подпісаў.-0-
