8 лістапада, Мінск /Кар. БЕЛТА/. Ва Украіне чырвоная зона каранціну павялічылася да 17 абласцей. Аб гэтым паведамляецца на сайце Міністэрства аховы здароўя краіны.
У аранжавай зоне знаходзяцца пяць рэгіёнаў, а ў жоўтай толькі тры вобласці - Кіраваградская, Закарпацкая і Цярнопальская.
Ва Украіне за мінулыя суткі заразіліся каранавірусам 13 068 чалавек, памерлі 473. Больш за ўсё выпадкаў заражэнняў за суткі было зафіксавана ў Адэскай, Харкаўскай, Днепрапятроўскай, Мікалаеўскай і Львоўскай абласцях.
Паводле даных Універсітэта Джонса Хопкінса, з пачатку пандэміі ва Украіне было зарэгістравана 3 218 967 выпадкаў заражэння COVID-19, памерлі 76657 чалавек.-0-