Сцяг Чацвер, 29 лютага 2024
Усе навіны
Усе навіны
У свеце
11 кастрычніка 2022, 10:29

Чарговая паветраная трывога аб'яўлена ва Украіне

11 кастрычніка, Мінск /Кар. БЕЛТА/. Сёння раніцай па ўсёй Украіне, у тым ліку ў Кіеве, зноў аб'яўлена паветраная трывога. Аб гэтым паведамляюць РІА Навіны са спасылкай на ўкраінскія СМІ.

Дзяржслужба па надзвычайных сітуацыях (ДСНС) у Кіеўскай вобласці рассылае экстранныя апавяшчэнні, піша ўкраінская газета "Страна".

Украінскія выданні таксама паведамляюць, што адбыліся ўзрывы ў Адэскай, Вінніцкай, Кіеўскай і Жытомірскай абласцях, ёсць інфармацыя аб узрывах ў Нікалаеве, Ачакаве, Роўна і Крывым Розе.

Паступаюць паведамленні аб атацы на Ладыжынскую ЦЭС, якая размешчана ў Вінніцкай вобласці.

Паветраная трывога раней аб'яўлялася раніцай 10 кастрычніка. У Кіеве і шэрагу іншых гарадоў прагрымелі ўзрывы. Пазней прэзідэнт РФ Уладзімір Пуцін на аператыўнай нарадзе з членамі Савета бяспекі адзначыў, што быў нанесены масіраваны ўдар высокадакладнай зброяй па аб'ектах украінскай інфраструктуры. У Мінабароны Расіі таксама заявілі, што мэта праведзенага 10 кастрычніка масіраванага ўдару высокадакладнай зброяй па інфраструктуры Украіны дасягнута. Паветраная трывога ва ўкраінскай сталіцы доўжылася 5 гадзін 37 мінут.

Між тым прэм'ер-міністр Украіны Дзяніс Шмыгаль паведаміў, што ракеты трапілі ў аб'екты энергетычнай украінскай інфраструктуры ў 11 абласцях і сталіцы. З-за гэтага будуць выкарыстоўвацца веерныя адключэнні электраэнергіі ў чатырох абласцях Украіны і Кіеве. Назіраюцца праблемы з водазабеспячэннем.-0-

Падпісвайцеся на нас у
Twitter
Топ-навіны
Свежыя навіны Беларусі