31 кастрычніка, Мінск /Кар. БЕЛТА/. Брытанскі парламент адобрыў прапанову прэм'ер-міністра Злучанага Каралеўства Борыса Джонсана правесці датэрміновыя парламенцкія выбары 12 снежня, паведамляе ТАСС.
30 кастрычніка біль урада аб правядзенні выбараў быў адобраны Палатай абшчын, цяпер законапраект падтрымала Палата лордаў. Статус закона ён павінен атрымаць пасля таго, як яго падпіша каралева Лізавета II. На гэта адводзіцца крыху менш як тыдзень. Каб выбары адбыліся ў дамоўлены тэрмін, парламент павінен быць распушчаны для правядзення выбарчай кампаніі не пазней за 6 лістапада.
Прэм'ер-міністр разлічвае, што на пазачарговых выбарах яго Кансерватыўная партыя заваюе большасць месцаў у Палаце абшчын і ён зможа ўрэгуляваць складаную сітуацыю з выхадам Вялікабрытаніі з Еўрасаюза, каб краіна пакінула ЕС 31 студзеня 2020 года.-0-
