ДЗЯРЖОРГАНЫДЗЯРЖОРГАНЫ
Флаг Панядзелак, 23 мая 2022
Мінск Пераменная воблачнасць +13°C
Усе навіны
Усе навіны
У свеце
30 лістапада 2021, 13:11

Большасць апытаных расіян вінаваціць у міграцыйным крызісе Еўрасаюз

30 лістапада, Масква /Эдуард Півавар - БЕЛТА/. Ва ўзнікненні міграцыйнага крызісу на беларуска-польскай граніцы жыхары Расіі схільныя вінаваціць Еўрапейскі саюз. Аб гэтым сведчаць даныя даследавання, праведзенага сацыёлагамі Усерасійскага цэнтра вывучэння грамадскай думкі, паведамляе БЕЛТА.

Згодна з апытаннем, дзве трэці расіян (66 працэнтаў) чулі аб падзеях на беларуска-польскай граніцы. Часцей за ўсё жыхары Расіі апісваюць сітуацыю наступным чынам: бежанцы спрабуюць трапіць у Еўропу (14 працэнтаў), бежанцаў не пускаюць у Еўропу (12 працэнтаў), там адбываецца міграцыйны крызіс (12 працэнтаў). Як бязладдзе, бязмежжа і кашмар ахарактарызавалі тое, што адбываецца, 10 працэнтаў рэспандэнтаў. 5 працэнтаў заявілі, што ім шкада бежанцаў, назваўшы сітуацыю здзекам з людзей. Яшчэ 5 працэнтаў звярнулі ўвагу на тое, што па бежанцах страляюць з боку Польшчы, польскія сілавікі паліваюць бежанцаў вадой, закідваюць дымавымі шашкамі.

Часцей за ўсё расіяне лічаць, што ў існуючай сітуацыі вінаваты Еўрапейскі саюз - 36 працэнтаў.

Адказваючы на адкрытае пытанне аб тым, што павінны зрабіць улады Беларусі ў адносінах да мігрантаў, 44 працэнты не змаглі выказаць сваё меркаванне. 18 працэнтаў расіян сказалі, што мігрантаў трэба дэпартаваць, 17 працэнтаў - што ім трэба дапамагчы і прадаставіць гуманітарную дапамогу, па 4 працэнты перакананы, што трэба ім не перашкаджаць, спрабаваць дамовіцца з Еўрасаюзам або закрыць граніцу.

З трох прапанаваных у рамках закрытага пытання варыянтаў таго, што беларускім уладам трэба зрабіць у адносінах да мігрантаў на граніцы з Польшчай, часцей за ўсё апытаныя расіяне выбіралі дапамогу ў вяртанні дадому (44 працэнты), 27 працэнтаў лічаць, што ўладам Беларусі трэба дамовіцца з уладамі Польшчы аб пераходзе мігрантамі граніцы на тэрыторыю Еўрасаюза, а 8 працэнтаў адказалі, што трэба прадаставіць мігрантам прыстанішча на сваёй тэрыторыі.

У той жа час, адказваючы на адкрытае пытанне аб тым, што Расія павінна зрабіць у сітуацыі з мігрантамі на беларуска-польскай граніцы, 32 працэнты расіян выказалі меркаванне, што не трэба ўмешвацца. 10 працэнтаў адказалі, што трэба падтрымаць Беларусь, яшчэ 10 працэнтаў - аказаць гуманітарную дапамогу, па 7 працэнтаў лічаць, што бежанцам трэба дапамагчы вярнуцца дадому і што Расіі гэта сітуацыя не датычыцца. Трэць апытаных (31 працэнт) не змаглі даць адказ.

Апытанне праводзілася 18 лістапада метадам тэлефоннага інтэрв'ю па стратыфікаванай двухасноўнай выпадковай выбарцы стацыянарных і мабільных нумароў. У апытанні прынялі ўдзел 1600 расіян ва ўзросце ад 18 гадоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі