21 ліпеня, Мінск /Кар. БЕЛТА/. На захадзе ЗША прыроднымі пажарамі ахоплена больш за 500 тыс. га зямлі, паведамляе ТАСС.
Паводле даных пажарнага цэнтра ў Айдаха, у 13 заходніх штатах зафіксаваны 83 вельмі вялікія прыродныя пажары. Агульная плошча гарэння цяпер складае 523,5 тыс. га. Найбольш складаная сітуацыя назіраецца ў штаце Мантана, дзе зафіксаваны 20 вельмі вялікіх пажараў. У Айдаха адзначана 18 вялікіх узгаранняў, у Арэгоне - 8, Каліфорніі і Вашынгтоне - па 7.
З пачатку года ў выніку прыродных пажараў у ЗША выгарала больш за 1 млн га зямлі.-0-
