Фота Reuters
11 кастрычніка, Мінск /Кар. БЕЛТА/. Больш за 30 чалавек загінулі або прапалі без вестак у выніку паводкі і апоўзняў у цэнтральных і паўднёвых рэгіёнах Мексікі. Аб гэтым інфармуе агенцтва РІА Навіны, спасылаючыся на паведамленне ўлад некалькіх штатаў.
У час прэс-канферэнцыі губернатар штата Ідальга Хуліа Менчака Саласар адзначыў, што ў Тэнанга-дэ-Дорыя восем загінулых, яшчэ восем - у Сакуальтыпане. Паводле даных урада штата Пуэбла, стыхія забрала жыцці як мінімум пяці чалавек. У муніцыпалітэце Уачынанга пасля сыходжання апоўзня восем чалавек лічацца прапаўшымі без вестак, таму колькасць загінулых можа павялічыцца. Губернатар штата Веракрус Росіа Нале заявіла аб двух загінулых і некалькіх прапаўшых без вестак пасля выхаду з берагоў ракі Касонес, якая затапіла значную частку горада Паса-Рыка.
Каардынатар нацыянальнай службы грамадзянскай абароны Лаура Веласкес пацвердзіла на прэс-канферэнцыі, што моцныя ападкі зафіксаваны ў 31 з 32 мексіканскіх штатаў. Паводле яе слоў, найбольшы ўрон назіраецца ў Веракрусе, Пуэбле, Сан-Луіс-Патасі, Керэтара, Ідальга і Герэра. У Веракрусе закранута 38 муніцыпалітэтаў і амаль 5 тыс. дамоў, у шасці часовых прытулках знаходзіцца больш за 500 чалавек.
Прэзідэнт Мексікі Клаўдыя Шэйнбаум паведаміла, што ўзброеныя сілы і службы грамадзянскай абароны ўдзельнічаюць у ліквідацыі наступстваў дрэннага надвор'я, федэральныя ўлады падтрымліваюць аператыўны кантакт з губернатарамі рэгіёнаў. Паводле даных метэаролагаў, інтэнсіўныя ападкі, выкліканыя цыклонамі, захаваюцца ў Мексіцы ў бліжэйшыя дні.-0-
У час прэс-канферэнцыі губернатар штата Ідальга Хуліа Менчака Саласар адзначыў, што ў Тэнанга-дэ-Дорыя восем загінулых, яшчэ восем - у Сакуальтыпане. Паводле даных урада штата Пуэбла, стыхія забрала жыцці як мінімум пяці чалавек. У муніцыпалітэце Уачынанга пасля сыходжання апоўзня восем чалавек лічацца прапаўшымі без вестак, таму колькасць загінулых можа павялічыцца. Губернатар штата Веракрус Росіа Нале заявіла аб двух загінулых і некалькіх прапаўшых без вестак пасля выхаду з берагоў ракі Касонес, якая затапіла значную частку горада Паса-Рыка.
Каардынатар нацыянальнай службы грамадзянскай абароны Лаура Веласкес пацвердзіла на прэс-канферэнцыі, што моцныя ападкі зафіксаваны ў 31 з 32 мексіканскіх штатаў. Паводле яе слоў, найбольшы ўрон назіраецца ў Веракрусе, Пуэбле, Сан-Луіс-Патасі, Керэтара, Ідальга і Герэра. У Веракрусе закранута 38 муніцыпалітэтаў і амаль 5 тыс. дамоў, у шасці часовых прытулках знаходзіцца больш за 500 чалавек.
Прэзідэнт Мексікі Клаўдыя Шэйнбаум паведаміла, што ўзброеныя сілы і службы грамадзянскай абароны ўдзельнічаюць у ліквідацыі наступстваў дрэннага надвор'я, федэральныя ўлады падтрымліваюць аператыўны кантакт з губернатарамі рэгіёнаў. Паводле даных метэаролагаў, інтэнсіўныя ападкі, выкліканыя цыклонамі, захаваюцца ў Мексіцы ў бліжэйшыя дні.-0-
Падпісвайцеся на нас у
