ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск Малавоблачна -4°C
Усе навіны
Усе навіны
У свеце
29 верасня 2021, 14:01

Больш за 20 супрацоўніц паліцыі пацярпелі на маршы феміністак у Мехіка

Фота lasillarota.com
Фота lasillarota.com

29 верасня, Мінск /Кар. БЕЛТА/. Звыш 30 чалавек у сталіцы Мексікі пацярпелі ў ходзе сутыкненняў на маршы феміністак у падтрымку абортаў. Аб гэтым паведамляе ТАСС са спасылкай на Twitter намесніка кіраўніка гарадскога ўпраўлення грамадскай бяспекі Марсела Фігероа.

"Паводле даных службы выратавання і экстраннай медыцынскай дапамогі, пацярпелі 34 чалавекі. Размова ідзе аб 24 жанчынах-паліцэйскіх, супрацоўніцы ўпраўлення ўнутраных спраў і дзевяці цывільных асобах", - гаворыцца ў паведамленні. Адзначаецца, што шэсце суправаджалася актамі вандалізму, група найбольш агрэсіўна настроеных удзельніц маршу паспрабавалі прарвацца да Нацыянальнага палаца ў гістарычным цэнтры горада.

Вярхоўны суд Мексікі ў пачатку верасня адобрыў дэкрыміналізацыю абортаў у першым трыместры цяжарнасці. У падтрымку гэтага рашэння аднагалосна прагаласавалі ўсе члены вышэйшага судовага органа, якія ўдзельнічалі ў пасяджэнні. Яны прызналі супярэчным Канстытуцыі артыкул 196 крымінальнага кодэкса штата Каауіла, згодна з якім за спыненне цяжарнасці на пачатковым этапе прадугледжвалася пакаранне ў выглядзе пазбаўлення волі на тэрмін ад года да трох гадоў.

Гэта рашэнне стварыла прэцэдэнт, абавязковы да выканання ўсімі ніжэйшымі судовымі інстанцыямі. Раней спыненне цяжарнасці па любой прычыне на тэрміне да 12 тыдняў было дазволена толькі ў Мехіка, а таксама ў штатах Веракрус, Ідальга і Аахака.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі