2 ліпеня, Мінск /Кар. БЕЛТА/. Узброенае нападзенне на рэабілітацыйны цэнтр у горадзе Ірапуата ў мексіканскім штаце Гуанахуата забрала жыцці 24 чалавек, яшчэ сямёра атрымалі раненні. Аб гэтым паведамляе ТАСС.
Удзельнікі атакі зніклі з месца здарэння, затрымаць іх па гарачых слядах не ўдалося. Звестак аб магчымых прычынах расправы абнародавана не было.
У сераду прэзідэнт Мексікі Андрэс Мануэль Лопес Абрадор запатрабаваў ад улад Гуанахуата навесці парадак у сілавых і судовых структурах. Размешчаны ў цэнтральнай частцы краіны штат у 2019 годзе стаў самым небяспечным у краіне, там былі забіты больш за 3,5 тыс. чалавек.-0-