ДЗЯРЖОРГАНЫДЗЯРЖОРГАНЫ
Флаг Аўторак, 18 студзеня 2022
Мінск Пераменная воблачнасць -6°C
Усе навіны
Усе навіны
У свеце
08 лістапада 2021, 14:54

Больш як 12,5 тыс. марпехаў ЗША пагражае звальненне, калі яны не прышчэпяцца да 28 лістапада

Фота з архіва
Фота з архіва

8 лістапада, Мінск /Кар. БЕЛТА/. Больш як 12,5 тыс. ваеннаслужачых Корпуса марской пяхоты ЗША могуць быць звольнены, паколькі яны не прайшлі вакцынацыю ад COVID-19. Аб гэтым паведамляе ТАСС са спасылкай на Military Times.

Марпехам трэба прышчапіцца да 28 лістапада. Гэта можна зрабіць толькі аднакампанентнай вакцынай кампаніі Johnson & Johnson. Прымяненне астатніх прэпаратаў вытворчасці Pfizer і Moderna не дае магчымасці ваеннаслужачым укласціся ў тэрмін. Гэтыя вакцыны налічваюць два кампаненты.

Паводле даных камандавання, на 28 кастрычніка поўную або частковую вакцынацыю ад COVID-19 прайшлі 93 працэнты амерыканскіх марскіх пехацінцаў. Не выключана, што астатнія па нейкіх прычынах не маюць намеру прышчэплівацца, таму іх давядзецца звольніць, адзначае Military Times.

Камандуючы Корпусам марской пяхоты генерал Дэвід Бергер выказаў надзею, што бліжэй да канца лістапада паступяць больш абнадзейлівыя даныя, паколькі некаторыя ваеннаслужачыя маглі не паспець далажыць аб прышчэпцы. Генерал растлумачыў недавер да вакцынацыі ў некаторых ваенных рознымі чуткамі і спекуляцыямі ў інтэрнэце.

Марпехі, як і іх калегі з іншых відаў УС ЗША, маюць права на вызваленне ад вакцынацыі па медыцынскіх або рэлігійных прычынах. Усе такія заявы разглядаюцца на працягу тыдня.

Міністр абароны ЗША Лойд Осцін 24 жніўня распарадзіўся пачаць абавязковую вакцынацыю ад COVID-19 ва ўзброеных сілах краіны. Ён не ўдакладніў тэрмінаў завяршэння прышчэпачнай кампаніі, даручыўшы гэта камандаванню кожнага віду войскаў. У ВМС і Корпусе марской пяхоты крайнім тэрмінам поўнай вакцынацыі было вызначана 28 лістапада, у Сухапутных войсках - 15 снежня, а для ВПС - 2 лістапада. Пасля заканчэння гэтых тэрмінаў непрышчэпленым ваенным пагражае звальненне пры адсутнасці вызвалення.

У ВПС ЗША, паводле даных Military Times, да ўстаноўленага тэрміну аб зробленых прышчэпках не далі справаздачу амаль 8,5 тыс. ваеннаслужачых. Каля 6,8 тыс. з іх атрымалі вызваленне або запыталі такое. Астатнія або адмовіліся рабіць прышчэпкі, або не раскрываюць інфармацыю аб сваёй імунізацыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі